YA HABIB
Bismillahir Rahman Nir Rahim
Kallam kasilasa hiyahambin
Tungbas dih kabayaran siyn
Junjungan Rasulullah way sabanding
Ya Habib, waktu kapagbata’ kaymu pa dunya
Mataud mu’jizat kiyasaksian, kiyanukil ha nusulan
Manga satru’ nakananam, napakpak in kaawam
Nakaindan sin dan uwian, nakahati nagTuhan
Ya Habib, masa hakasibi’-sibi’ mu
Biyutas kaw daing ha duwa maas mu
Magduru’ kaw ha tau, kiyawakil kaymu
In sila simanyang lapay na sambil binatang
Ya Habib, bukun sakaw tau dayahan
Hipu’ kaw sin kabagayan lagi kakasihan
Tanug kaw ha Makkah tau kapangandulan
Sambil pa nagsatru kaymu di’ maambat pupudjihan
Ya Habib, kamawmaasan mu balkanan sambil kawasahan
Ha taud sin pilak nila wala’ kaw nahaylan
Bunnal tuud in ikaw wala’ kiyapagbayaan
Hawa napsu nakakkang, Saytan nagkarukkaan
Ya Habib, ikaw ra in suntuan sambil pa huling jaman
Sungab Hira tiyagnaan suntu’ magguru pa Tuhan
Akibat daing hayan in ikaw piyapaham
Sabunnal tuud in ikaw Nabi/Rasul hinapusan
Ya Habib, sahaya sin pamandu’ mu
Katilingkal alam naig in hilu
Manusiya, Jin, Binatang, iban katan piyapanjari taalluk kaymu
Panghulmat ha Manusiya’ umbul satu
Ya Habib, bang in ikaw way piyagbata’
Tantu in manusiya’ ha laum dukka
Misan in Adam bang kaw way kita’
Di’ malipuwas daing ha pananaman siksa’
Ya Habib, bihaun yakin kami buhi’ kaw
Salawat iban salam daing kamu’ di’ maghupay
Asu kampung mu, kamu’ mamukaw
Sila bilang ganti’ mu, kami di’ maghukaw
Ya Habib, sapaat mu balhajat kami!
Salawat iban salam kaymu
Hisuhud namu’ pa Tuhan
In matarbilang kami ummatmu!
Ameen ya Rabb!
-------------------------------------------------------
SYAFAAT MU YA RASULULLAH
In lasa ku kaymu Ya Rasulullah di’ ku hikatugali’,
bang takaw katumtuman in atayku mahapdus pa daing pali’,
sa’ maluman aku kaymu, sabab sin mataud in dosaku, pa Tuhan
maluman tuud aku, bang aun dapat minsan in sumabbut si nganmu,
dih na aku, sumabbut, sa lugusunku hi baran,iban bissaraku ,
ha adlaw padang masyar duma magkita’ in Allah,iban lapal niya
Ya Rasulullah ha adlaw ini ikaw ra in makasyafaat ha mga ummatmu
katan wayruun dugaing,papag bayaun takaw hisiyu in syafaatan mu,
Ya Rasulullah dih maghali in luha’ ku ha pag tumtuman kaymu,
nag aanud na hadja, bang makajari amun pangayuunku ,
maabut aku muwih pa Tuhan, sa’bu aku simasalawat kaymu ya kakasihku,
Ya Rasulullah, ha waktu ini , agun masipak in pangatayan ku,
tubig mataku Tuhan da in nakakita’ imanud. Tuhan manjadi saksi
sin bunnal-bunnal tuud in lasaku kaymu, liyu in Tuhan, Lillahi Taala,
minsan pa hi Ina’ kay Ama’ ku ikaw ra tuud in ha laum sin pangatayanku sampay aku sumud pa lupah punud,( pa kamatay ). Ya Rasulullah, Assalamu alaika Ya Habibullah,
Allah humma Salli Wasllim Ala Saidina Muhammaddin Nabiyel Ummie, Al Fatihah
by: Habib Mujahid Alyamani
------------------------------------------------------
TAYMAA KAMI YA RASULULLAH
Auzhubillah himinas shaytanirrajim
Bismillah hirahman nirrahim
"innallaha wa malaa ikatahu yu sallu na alaannabi
yaaa ayyuhal lazhina aamanu sallu alayhi wa sallimu taslima"
33:56 (sura al-ahzab -the combined forces)
Allahuma salli wa sallim ala sayyidina muhammad
wa ala ali sayyidina muhammad
Allahuma salli wa sallim ala sayyidina muhammad
wa ala ali sayyidina muhammad
Allahuma salli wa sallim ala sayyidina muhammad
wa ala ali sayyidina muhammad
ha sura al-ahzab ayat 56 sin quran mahamulliya
magkulang maglabi ma’na sin farman sin tuhan allah
“salawat namu' iban sin mga malaikat pa nabi
o kamu mga bar iman pagsalawat kamu kaniya
hurmat sin sarayaw rayaw panghurmati”
pardaakan sin tuhan allah
ya nabi Allah, ya nabi Allah, ya nabi Allah s.a.w.
tindug sin tunga’ dum lima biyuklad iban duwa-a
ya Rasulullah, ya Rasulullah, ya Rasulullah s.a.w.
ayaw mu kami butasi, ayaw mu kami butasi, ayaw mu kami butasi
ya Habibullah, ya Habibullah, ya Habibullah s.a.w.
kasilasa namu’ kaymu andu’ tayma-a ya Habibullah
ha kabuhi mu in liyasa
siyabbut mu "u mga ummat ku"
sahaya sin lasa mu
simaplag pa katilingkal alam
lasa mu kamu’
dum-dum in ikaw magtangis sadja
andu’ kailu kami mga ummat mu
landu’ kaw nasusa
magsukul kami kaymu
ya Mustafa
ya Sayyidina
ya Rahmatan lil Alamin
hinduan mu kami
sin dan mabuntul
bissara mu katan kasabunnalan
Al-amin danglay kaymu
sin ha lawm kawman
lasa mu pa Tuhan Allah wayna salian
kasilasa pa lana mahamut
babai iban sin sambahayang
Khalid Ismael
~4:15am
8 j. awal 1432
